From:- Saba Sagar
Aaj phir woh nazar aai to main ne socha
Kyun na ek aur nazm us par likhon

Kiya karon k woh hay hi asi
K jitna bhi use likha jaey ya phir
Jitna bhi use socha jaey kam hay

Kiya karon k woh hay hi asi
har dafa itni nikhri itni hi ujli
Jaise kirnoo se naha kar loti ho
Jaise ek nai pour umeed subah ka agaaz ho
K jitna bhi use dekha jaey kam hay

Main ne jab bhi us ki aankhon main
Chupi tahreer ko parhna chaha, nakam raha
Ya shayad main itna kareeb us k
Kabhi ja hi na saka
To phir najane kyun use main
Isqadar sochta houn
Par kiya karon k woh hay hi asi

Mil sake na mile dour rah kar bhi use
Haan jitna bhi use chaha jaey kam hay