Tumhein jab kabhi mile fursat meri rooh per se yeh bhoj utar do,
Apni zindagi ki hazar shamo mein se aik sham udhar do…

Mein barson se sawalon ki uljhano mein hun,
Meri zindagi ki uljhano ko aa kar suljha do…

Yeh karab ke lamhay meine tanha guzaray hain,
Mere wajood per se yeh dard ki chaddar hata do…

Tum kia jano pyaasa rehna kia hai,
Aa kar mujhe do boond pani ki de do… 

Nangay paon chala hun taptay hue sehra pe,
Mere zakhmi pairon pe ab phoolon ka marham rakh do…

Meri aankhon mein ansooun ko rehne ki aadat si ho gayi hai,
Ae Khuda ! tarap utha hun mein ab to is nadi ko thehra do…

Jab kabhi koi poochey ga tum se buland hoslay ka matlab,
Yeh dua hai meri tum sirf “Shine” ka nam do…