From:- Sikandar Khan

Aasmaan se inayaetian na tujhe milin na mujhy milin,
Mohabbaton se raahtian na tujhe milin na mujhy milin…!

Humein aashiqi mein sach mila hamein zindagi mein sab mila,
Magar be’wafaie ki aadatein na tujhy milin na mujhy milin…!

Udhar tu dua mein laga raha idhar mein dua mein laga raha,
Par mannaton se haajatein na tujhy milin na mujhy milin…!

Thi aarzu kabhi saahilon pe tere saath saath hum chal sakain,
Par samandaron se ijazatein na tujhy milin na mujhy milin…!

Jis zindgi ki khaahishon mein so rat’jagon mein sajood keeye,
Us zindgi ki bashaarateiN na tujhy miIin na mujhy milin…!

Hasrton k deeyon ko aag kabhi tu ne di kabhi mein ne di,
Magar ROSHNI ki alaamatein na tujhy milin na mujhy milin…!

Na to tere dard ruky kahin na mere zakham bhary kabhi,
Sabar-o-shukar ki haaltein na tujhy milin na mujhy milin…!

Teri manzilein kahin aur thin meri manzileiN kahin aur thin,
Kisi aik simt ki musafatein na tujhy milin na mujhy milin…!

Tu tthehar gaya kisi aur k ghar, Main ruk geya kisi aur k dar,
Man-pasand C chaahtein na tujhy milin na mujhy milin…!

Hamaari pur’khaloos neeyaton se manzileiN kiun chhin gaein ?
Muqaddaron se wazahatein na tujhy milin na mujhy milin…!.!!.!!!!