From:- Indresh Tiwari

Mera adhura jeevan, uski adhuri kahaani..
Meri adhuri kavita, mere adhurepan ki nishani..!

Adhkhuli aankho ke adhure sapne,
Adhuri khwahishe adhuri chaahate..
Adhure se khel mere adhure bachpan ke,
Adhure se safar pe ye adhuri jawaani..!

Adhuri chhitij ko uljhaati adhuri dishaaye,
Gujare haalat se uljhaa mera adhura kal..
Adhure sooraj sa Roshan mera adhura bhavishya,
Adhure aaj mai dhundhta ek adhuri muskan suhani..!

Adhure rishto ki adhuri si khushiya,
Adhure se log adhure se hum..
Maut ki mohabbat bhi hai adhuri,
Zindagi se yehi ek shikayat hai purani !!