Agar main patthar ki larki hoti
To apnay paikar ki sabz rut per bohat si kaaii ugaya kerti
Bohat say tareek khwab bunti
Ujalay ko thokron main rakhti
Khamoshi kay babool chunti
Dehekti kirnon ka jharna hoti
Sama’aton kay tamam afsoon paash kerti
Main kuch na sunti
Main apnay pallu main sog bandhay
Kisi ko un ka pata na deti
Safar kay her aik merhalay per
Main rahzanon ki tarah mukarti
Agar main patthar ki larki hoti
To main aziyyat ki malgiji un-ginat udasi kay rung chunti
Wehem ugaati, gumaan rakhti

Tumhari sari wajahaton ko
Main sau tarah say para para kerti
Na tum ko yun aaina banati
Agar main patthar ki larki hoti
From:- Saba Sagar