From:- Saba Sagar

Main Apna Aaj Apna Kal,
Tumhare Naam Karta Hoon..
Main Is Jeewan Ka Har Ak Pal,
Tumhare Naam Karta Hoon..!

Mera Guzra Howa Kal Tu,
Meray Maazi Ka Hissa Hai..
Main Apna Aaj Apna Kal,
Tumhare Naam Karta Hoon..!

Khezaeen , Sardiyaan, Garmi ,
Bahaarain, Barishain , Jara..
Main Har Mousam Ka Har Har Pal,
Tumhare Naam Karta Hoon..!

Tumhare Dukh, Udaasi , Ghum,
Sabhi Ranj o Alam Lay Kar..
Main Yeh Khushyoon Bhari Chagal,
Tumhare Naam Karta Hoon..!

Seetaray Aasmaan Kay Sab,
Tumhari Maang Main Bhar Kar..
Shab -e- Taira Ka Sab Kajal,
Tumhare Naam Karta Hoon..!

Tumharay Bin Yah Har Ak Pal,
Mujhay Bay Chain Rakhta Hai..
Main Apna Dil Jo Hai Bay Kal,
Tumhare Naam Karta Hoon..!

Barasta Bheegta Mousam Hai,
Kamzori Meri Lakin..
Main Yeh Sawan , Ghata , Badal,
Tumhare Naam Karta Hoon !!!