From:- Saba Sagar
Raat ke sannate mein hum ne kya kya dhokay khaye hain,
Apna hi jab dil dharka to hum samjhay wo aaye hain..!

Band jharokay sooni galiyan ya phir ghum ke saaye hain,
Chaand sitaare nikle hain par mere liye kya laaye hain..!

Jis din se tum bichar gaye ye haal hai apni aankhon ka,
Jaise do baadal saawan ke aapas mein takraaye hain..!

Ab to raah na bhoolo ge tum ab to hum se aan milo,
Dekho hum ne palak palak par sau sau deep jalaye hain..!

Haaye “Qateel” is tanhaayi mein kya soojhi hai mausam ko,
Jis din se wo paas nahi us din se baadil chaaye hain..!!!