From:- Sikandar Khan
Us ki aankhon mein mohabbat ka sitara hoga,
Aik din aaye ga wo shakhs hamara hoga..!
Tum jahan mere liye seepiyan chunti ho gee,
Wo kisi aor he dunia ka kinara hoga..!
Jis k hone se meri saans chala karti thi,
kis tarah us k baghair apna guzara hoga..!
Ye achanak jo ujala sa hua jata hai,
dil ne chupke se tera naam pukara hoga..!
Ye jo pani mein chala aaya sunehra sa ghuroor,
Us ne darya mein kahin paon utara hoga..!
Kon rota hai yahan raat k sannaton mein,
Mere jesa he koi hijr ka maara hoga..!
Mujh ko maloom hai junhi main Qadam rakhon ga,
Zindgi TERA koi aur kinara hoga..!
Jo meri rooh mein Badal se garajhte hain WASI,
Us ne seeny mein koi dard utara hoga..!
Kaam Mushkil hai magar jeet he loon ga us ko,
Mere Maula ka WASI junhi ishara hoga !
