From:- Vinod

Raat ke gehre sann’ate main,
Jugnoo dhoondne nikli thi..
Tanhayi se dard ke sare rishte,
Torrne nikli thi..!

Baarish ke rastey mein apni aankhen,
Kese bhool gayi..
Wo khushboo tu saath hawa ke,
Baadal dekhne nikli thi..!

Taiz hawaoon main tehri tu,
Apna ghar tak bhool gayi..
Aane wale toofanon ka rasta,
Rokne nikli thi..!

Khwabon ke sehraa main bhatki apni,
Umer ganwa bethi..
Wo lerki jo raakh ke dhair main,
moti dhoondne nikli thi..!

Jis ki her aahat se dil ka mausam,
Bheegne lagta tha..
Uski baaten uska lehja kis main,
Dhoondne nikli thi !!!