From:- Nitendra Nittu

Logo Se Najren Churane Laga Hun,
Khud Se Khud Ko Chupane Laga Hun..!

Veerane Me Waqt Gujarta Hai Apna,
Tanha-Tanha Sa Rehne Laga Hun…!

Nahi Kehta Kisi Se Dil Ka Haal Apna,
Khud Hi Apni Dastan Gungunane Laga Hun..!

Aankhon Me Basi Hai Ik Tasveer Uski,
Khud Hi Use Ab Mitane Laga Hun..!

Seene Me Jo Kaid Dariya Hai,
Usme Doob Jaane Laga Hun…!

Dil Me Kucch Armaan Baki Hai Shayad,
Ushe Ab Aansuon Me Bahane Laga Hun..!

Zazbato Me Khul Na Jaaye Naam Uska,
Isliye Khamosh Rehne Laga Hun..!

Nahi Layak Tha Main Uski Mohabbat Ke Sayad,
Yahi Sochkar Khud Ko Samjhane Laga Hun..!

Beete Waqt Se Kuch Hasil Nahi Hota NITTU,
Yahi Sochkar Bahut Kuch Bhulane Laga Hun..!!!!