From:- Jaan Butt

Qissa abhi hijab se aage nahin barha,
Main aap,wo janab se aage nahin barha…!

Muddat hui Kitab E Mohabbat shuroo kiye,
Laikin main pehle baab se aage nahin barha…!

Lambhi musaftain hain magar is sawaar ka,
Paaon abhi rakaab se aage nahin barha…!

Tool e kalaam k liye main ne kia sawal,
Wo mukhtasar jawab se aage nahin barha…!

Rukhsar ka pata nahin , ankhain to khoob hain,
Deedar abhi naqaab se aage nahin barha…!

Wo lazzat e gunah se mehroom reh gaya,
Jo khwahish e sawab se aage nahin barha…!