From:- Sikandar Khan

Duniya Ne Hum Pe Jab Koi Ilzam Rakh Diya,
Hum Ne Muqabil Us K Tera Naam Rakh Diya..!

Ik Khaas Had Pe Aa Gaie Jab Teri BERUKHI,
Naam Us Ka Hum Ne Gardish-E-Ayyaam Rakh Diya..!

Main Ladkhara Raha Hoon Tujhe Dekh Dekh Kar,
Tu Ne To Mere Samny Ik Jaam Rakh Diya..!

Kitna Sitam_Zarif Hai Woh Sahib-E-Jamaal,
Us Ne Diya Jala K Lab-E-Baam Rakh Diya..!

Insaan Aor Dekhy Baghair Us Ko Maan Le,
Ik Khauf Ka Bashar Ne Khuda Naam Rakh Diya..!

Ab Jis K Jee Mein Aay Wohi Paay Roshni,
Hum Ne To Dil Jalaa K Sar-E-Aam Rakh Diya..!

Kya Masalahat_Shanaas Tha Woh Admi ‘QATEEL’,
Majburiyon Ka Jis Ne Wafa Naam Rakh Diya !