From:- Meri Pasand, India

Gulon men rang bhare, baad-e-nau-bahaar chale,
Chale bhii aao ke gulshan kaa kaarobaar chale…!

Qafas udaas hai yaaro, sabaa se kuchh to kaho,
Kahiin to bahr-e-Khudaa aaj zikr-e-yaar chale…!

Kabhii to subh tere kunj-e-lab se ho aaghaaz,
Kabhii to shab sar-e-kaakul se mushk-baar chale…!

Baraa hai dard kaa rishtaa, ye dil Ghariib sahii,
Tumhaare nam pe aayenge Ghamgusaar chale…!

Jo ham pe guzrii so guzrii magar shab-e-hijraan,
Hamaare ashk terii aaqibat sanvaar chale…!

Huzuur-e-yaar huii daftar-e-junuun kii talab,
Girah men le ke gariiban ke taar-taar chale…!

Maqaam Faiz koii raah men janchaa hii nahiin,
Jo kuu-e-yaar se nikle to suu-e-daar chale…!..!!.!!!!