From:- Tasleemash

Ik Sitam aur meri jaan abhi jaan baaqi hai,
Dil mein ab tak teri ulfat ka nishaan baaqi hai..
Ik sitam aur meri jaan abhi jaan baaqi hai..!

Jurame-tooheen-e mohabbat ki saza de mujh ko,
Kuch to mehroom-i ulfat ka sila de mujh ko..
Jism se rooh ka rishta nahi toota hai abhi,
Haath se sabar ka daaman nahi choota hai abhi..
Abhi jalte hue khawaboon ka dhuaan baaqi hai..!

Ik sitam aur meri jaan abhi jaan baqi hai..!

Apni nafrat se mere pyar ka daaman bhar de,
Dil-e gustaakh ko mehroom-e mohabbat kar de..
Daikh toota nahi chahat ka haseen taj mehal,
Aake bikhre nahi mehki hui yadoon ke kanwaal..
Abhi taqdeer ke gulshan mein khizaan baaqi hai..!

Ik Sitam aur meri jaan abhi jaan baaqi hai,
Dil mein ab tak teri ulfat ka nishaan baaqi hai..
Ik sitam aur meri jaan abhi jaan baaqi hai !!