From:- Sikandar Khan

Kiun na phir se use milne ka irada kar loon,
Zakham ye sadiyon purana taro-taza kar loon..!

Phir se keh doon use ke tum meri Aqeedat ho,
Phir se guzri muhabbaton ka eyada kar loon..!

Sonp doon ab ye apni Shokh Tabiyat us ko,
Sochta hoon k khud ko es qadr Saada kar loon..!

Ya use pa ke bhula doon main dard-o-gham apne,
Ya us k Hijr ka gham aor bhi ziyada kar loon..!

Wo to har Qasam “SAGAR” hans k torr jaata hai,
Phir naya kis tarha us se koi waada kar loon !