From:- Sikandar Khan

Hamary Baad Chali Rasm-E-Dosti Keh Nahi,
Hawa Ki Zadd Mein Koi Shamma Phir Jali Keh Nahi ?

Bichar K Jab Bhi Mily Muj Se Poochta Hai Woh Shaks,
Keh ” In Dino Koi Taza Ghazal Hui Keh Nahi ?

Suna Hai Aam Thi Kal Shab Ko Chand Ki Bakhshish,
Buje Gharon Mein Bhi Utri Hai Chandni keh Nahi ?

Nikaal K Jise Huwa Apna Dard Awara,
Kisi K Dil Mein Woh Mehfil Bhi Phir Saji Keh Nahi ?

Woh Reh-Guzar Jo Andheron Mein Saans Leti Thi,
Tumhary Naqsh-E-Qadam Se Chamak Uthi Keh Nahi ?

Diyar-E-Hijar Se Aay Ho Kuchh To Kaho Mohsin !
Keh ” Shaam-E-Ghum Bhi Kisi Morr Par Mili Keh Nahi ? !