From:- Meri Pasand, India

Mainay teri aankhon mein parah Allah hii Allah,
Sab bhool gaya, yaad raha Allah hii Allah…!

Phoolon mein bassi chandni raton ki namazain,
Shabnam si sitaron ki duaa, Allah hii Allah…!

Eik phool ne koonain ki daulat mujhay daidi,
Aansu sae hathailli pe likhaa, Allah hii Allah…!

Ham loog oosi paak samandar ki hain lehrain,
Laa haath, mairay haath mein laa, Allah hii Allah…!

Eik naam ki takhti ka mujhay shooq huva tha,
Paani pe havaaoun ne likha, Allah hii Allah…!

Baadal ki ibadat hai barasta huva paani,
Aansu ki ghazal hamd-o-Sana, Allah hii Allah…!

Pairhon ki saffain tairay farishtoon ki qatarain,
Khamosh paharoon ki nidaa, Allah hii Allah…!

Vo sura-e Yaasin ke kafoor ki khushbu,
Mehkei huvay phoolon ki rava, Allah hii Allah…!