From:- Sikandar Khan

Dil Mein Hai Wafa Ki Talab Lab Pe Sawaal Bhi Nahi,
Hum Hain Hisar-e-dard Mein Un Ko Khiyal Bhi Nhi..!

Itna Hai Us Se Rabta Jitna Chhaon Ka Dhoop Se,
Gar Ye Nhi Hai Hijar To Phir Ye Wisaal Bhi Nahi..!

Wo Jo Ana Parast Hai Main Bhi Wafa Parast Hoon,
Us Ki Misaal Bhi Nahi Meri Misaal Bhi Nahi..!

Us Ko Zuban De Chuky Dil Ka Jahan De Chuky,
Ehd-e-wafa Ko Tod Dein Apni Majjaal Bhi Nahi..!

Us Se Kaho Keh Do Gharri Hum Se Aa Mile Kabi,
Maana Ye Muhaal Hai Magar Itna Muhaal Bhi Nahi !