From:- Teray Janey k Baad

Aik din achanak hi,
Phone aa gya us ka,
Lehjay ki malamat se,
Ho raha tha sub zahir,
Ro rahi thi shidat se,
Larkharatay lafzon se,
Kar rahi thi batain wo,
Tum kahan thay itnay din..?
Roz phone kerti thi,
Baat tum se kerni hai,
Jo bohat zaroori hai,
Khush nahi hoon main bhi kuch,
Pyar tera thukra ker,
Sara din tarrapti hon,
Chain hi nahi milta,
Jagti hoon shub bher main,
Neend hi nahi aati,
Jo nahi kaha kal tak,
Aaj tum se kehti hoon,
Pyar tum se kerti hoon,
Main nay phir kaha us se,
Main na kehta tha tum se,
Aik din tou aana hai,
Lot ker tumhain wapis,
Kaisay tum bina mere,
Zindagi guzaro gi,
Zinda tou raho gi per,
Zindagi na ho gi wo,
Aik aik lemhay mein,
Yaad meri aaye gi,
Doosri taraf se phir,
Qehqeha sa aaya ik,
Aur wo lagi kehnay..!
Tum Bhi Kitnay PAGAL Ho,
Jantay nahi itna,
Aaj ‘FIRST APRIL’ hai..