From:- Saba Sagar
Ho jaise haseen khayal,
Mujhye aisa hamsafar mile,
Rangoon ki kahkahshaon main,
Mujhye sath le kar chale..
Kabhi besabab naraz ho,
Kabhi bewaja hans kar mile..!

Kabhi poursakon jhel ho,
Kabhi darya ki jaise laher chale..
Har rooz ham bateen kareen,
Mahni na hoon jin k koi..
kabhi khawaishon k dais ki,
Kabhi khushbo k shehar ki
Aur sham ko nikal pareen
Shafaq k sang chalte huwey
Phir badloon main ja baseen
Aur dhanak ka koi ghar mile..!

Koi sa rukh ho waqt ka
Mousam ka koi rang ho
Har sans main wohi basey
Har aan mere kareeb ho
Kiki bhi janab chal paroon
Kisi taraf ka bhi rukh ho
Main usi ki janab safar karon
Wohi mera muntazer mile..!

Ho jaise koi haseen khayal,
Mujhye aisa hamsafar mile..!